28 ရက်အတွင်း အမာရွတ်တွေနဲ့ အကြောပြတ်ရာတွေကို မှေးမှိန်သွားစေတဲ့ လိမ်းဆေးထွက်ရှိ

 

အမာရွတ်တွေနဲ့ အကြောပြတ်ရာတွေကို ၂၈ ရက်အတွင်း မှေးမှိန်သွား စေနိုင်တဲ့ လိမ်းဆေး တစ်မျိုးကို ဗြိတိန်နိုင်ငံမှာ ရရှိနိုင်မှာဖြစ်ကြောင်း သိရတယ်။

Remescar လို့ခေါ်တဲ့ လိမ်းဆေးဟာ အလွန်ပါးလွှာပြီး မမြင်ရတဲ့ ဆီလီကွန် အလွှာပါးနဲ့ ဖုံးအုပ်ကာ အရေပြားပေါ်ရှိ ပြဿနာတွေကို ရာခိုင်နှုန်း ၅၀ အထိ မှေးမှိန်သွားစေ နိုင်တယ်။ အဲဒီအလွှာပါးဟာ အရေပြားရဲ့ အပေါ်ဆုံးအလွှာကို အကာအကွယ်ပေးပြီး အရေပြားပြန်လည် ပြုပြင်မှုကို အားပေးတယ်။

အဲဒီ လိမ်းဆေးမှာ သဘာဝအတိုင်းတွေ့ရှိရတဲ့ အပင်တစ်မျိုး ဒါမှမဟုတ် တဆေးမှထုတ်ယူထားတဲ့ ဘီကာ ဂလူကန်ဓာတ်လည်း ပါဝင်ပြီး၊ အဲဒါဟာ ဒဏ်ရာတွေကို အကာအကွယ်ပေးပြီး စိုစွတ်စေတယ်။ ဒါ့ အပြင် အားကောင်းတဲ့ SPF 15 ခရမ်းလွန်ရောင်ခြည် ဆန်ခါတွေ လည်းပါဝင်ပြီး၊ နေရောင်ကြောင့် ပျက်စီးမှုက ကာကွယ်ပေးတယ်။

လူနာတွေကို စမ်းသပ်မှုတွေ ပြုလုပ်ခဲ့ရာမှာ အဆိုပါဆေးကို တစ်နေ့နှစ်ကြိမ်လိမ်းပါက ပေါင်တွေ၊ ဗိုက်တွေနဲ့ တင်ပါးတွေက အကြောပြတ်ရာတွေကို ၂၈ ရက်အတွင်း ရာခိုင်နှုန်း ၅၀ မှေးမှိန်စေကြောင်း တွေ့ရှိရတယ်။
အသေးစား ခွဲစိတ်ကုသမှု၊ မီးလောင်နာ၊ ၀က်ခြံနဲ့ မတော်တဆမှုတွေကြောင့်ဖြစ်ပေါ်တဲ့ အမာရွတ် အသစ်ရော အဟောင်းတွေကိုပါ လျော့ကျစေကြောင်းလည်း တွေ့ရှိရတယ်။ ဆေးကိုအသုံးပြုသူတွေက ဆေးဟာ အရေပြားကို ပုံမှန်အရောင်၊ ပုံမှန်ဒြပ်သားရအောင် ပြန်လည်ထိန်းသိမ်းပေးပြီး၊ အမာရွတ်ကို မှေးမှိန်ပျောက်ကွယ် သွားစေတယ် လို့ ပြောကြားခဲ့ကြတယ်။

အခု ထွက်ကုန်ကို ဖန်တီးရာမှာ ပါဝင်ခဲ့တဲ့ ဘယ်လ်ဂျီယံ သိပ္ပံပညာရှင်တွေက အခုလိမ်းဆေးဟာ ပထမဆုံး အသိအမှတ်ပြုခံရပြီး၊ လူနာတွေမှာ စမ်းသပ်ချက်အရ သက်သေပြနိုင်တဲ့ ပထမဆုံး အမာရွတ် ပျောက်လိမ်းဆေး ဖြစ်တယ်လို့ ဆိုတယ်။

ညွန့်လွင်(စက်မှုတက္ကသိုလ်